கிருஷ்ணகிரி: கிருஷ்ணகிரி மாவட்டம், காவேரிப்பட்டணம் அடுத்த மிட்டள்ளிபுதுார் கூட்ரோட்டில் ஓம்சக்தி கோவில் அமைந்துள்ளது. இதன் நுாதன அஷ்டபந்தன மஹா கும்பாபிஷேக விழா நேற்று முன்தினம், விக்னேஸ்வர பூஜை, கணபதி, லட்சுமி, நவக்கிரஹ ஹோமம், கோ பூஜையுடன் துவங்கியது. தென்பெண்ணை ஆற்றிலிருந்து பெண்கள் தீர்த்தக்குடங்களுடன் ஓம் சக்தி அம்மன் சிலையை எடுத்து ஊர்வலமாக கோவிலுக்கு வந்தனர். மாலை, 5:30 மணிக்கு, விக்னேஸ்வர பூஜை, முதற்கால யாகபூஜை, அம்மன் சிலைக்கு கண் திறப்பு, சிலை பிரதிஷ்டை செய்தல், தீபாராதனை ஆகியவை நடந்தன.