சூளகிரி, கிருஷ்ணகிரி மாவட்டம், சூளகிரி ஒன்றியம், தோரிப்பள்ளி பஞ்.,க்கு உட்பட்ட உங்கட்டி கிராமத்தில், 100க்கும் மேற்பட்ட ஏழை, எளிய மக்கள் வசிக்கின்றனர். இதில், 30க்கும் மேற்பட்ட குடும்பங்கள், அரசு புறம்போக்கு நிலத்தில் வீடு கட்டி பல ஆண்டுகளாக வசித்து வருகின்றனர். பலமுறை வீட்டுமனை பட்டா கேட்டும் வருவாய்த்துறை வழங்கவில்லை. இந்நிலையில், வீட்டுமனை பட்டா கேட்டு சூளகிரி தாசில்தார் அலுவலகத்திற்கு நேற்று சென்ற, 50க்கும் மேற்பட்டோர், தாசில்தார் ரமேஷ்பாபுவிடம் கோரிக்கை மனு வழங்கினர்.