கிருஷ்ணகிரி: தமிழகத்தில் வரும், 19ல் லோக்சபா தேர்தல் நடக்கிறது. கிருஷ்ணகிரி மாவட்டம், பர்கூரில் நடக்கும் லோக்சபா தேர்தலில், பொதுமக்கள் அச்சமின்றி ஓட்டளிப்பதை வலியுறுத்தி போலீசார் கொடி அணிவகுப்பு நடத்தினர். பர்கூர் தாலுகா அலுவலகம் எதிரில் பர்கூர் டி.எஸ்.பி., பிரித்விராஜ் சவுகான் அணிவகுப்பை கொடியசைத்து துவக்கி வைத்தார். இதில் இன்ஸ்பெக்டர்கள் வளர்மதி, நாகலட்சுமி, சிவசந்திரன், எஸ்.எஸ்.ஐ.,க்கள், உள்பட, 150க்கும் மேற்பட்ட போலீசார், கலந்து கொண்டனர். போலீசாரின் கொடி அணிவகுப்பு பர்கூர் முக்கிய சாலைகள், பி.டி.ஓ., அலுவலகம் வழியாக சென்று, பர்கூர் போலீஸ் ஸ்டேஷனில் நிறைவடைந்தது.