தர்மபுரி,:தர்மபுரி, எஸ்.பி., அலுவலகத்தில் நடந்த குறை தீர்க்கும் முகாமில், 71 மனுக்களுக்கு தீர்வு காணப்பட்டன.தர்மபுரி மாவட்டத்தில் தீர்வு காணப்படாத பல்வேறு வழக்குகளில் சுமூகமாக தீர்வு காணும் வகையிலும், புதிய புகார்களை விரைந்து முடிக்கும் வகையிலும் மாவட்ட எஸ்.பி., அலுவலக வளாகத்தில் நேற்று பொதுமக்கள் தங்கள் குறைகளை கூறும் வகையில் பெட்டிஷன் மேளா எனும் பொதுமக்கள் குறை தீர்க்கும் முகாம் நடத்தப்பட்டது. மாவட்ட எஸ்.பி., மகேஸ்வரன் தலைமை வகித்து முகாமை துவக்கி வைத்தார்.