பாலக்கோடு, தர்மபுரி அருகே, பெரியாம்பட்டியிலுள்ள தபால் அலுவலகம் பெரியாம்பட்டியிலிருந்து, 2 கி.மீ., தொலைவில் இருந்தது. இதனால், அங்கு வருவோர் பஸ்சிலிருந்து இறங்கி நடந்தும், ஆட்டோ மூலமும் சென்று வந்தனர். தபால் அலுவலகம் தனியார் கட்டடத்தில் இயங்கியதால், பஸ் நிறுத்தம் அருகே, தபால் நிலையம் வைக்க, அப்பகுதி மக்கள் கோரிக்கை விடுத்தனர். இதையடுத்து, நேற்று பெரியாம்பட்டி பஸ் ஸ்டாண்ட் அருகே உள்ள, தனியார் கட்டடத்தில் மாற்றம் செய்யப்பட்டது.