ஓசூர்: கிருஷ்ணகிரி மாவட்ட அளவிலான இலக்கிய போட்டிகள், ஓசூர் வெங்கடேஷ் நகர் சப்தகிரி பள்ளியில், தமிழியக்கம் சார்பில் நேற்று நடந்தது. மாவட்டத்திலுள்ள, 9 கல்லுாரிகளில் இருந்து, 54 மாணவ, மாணவியர் பங்கேற்றனர். தமிழியக்க அமைப்பு செயலாளர் வணங்காமுடி தலைமை வகித்தார். 'வள்ளுவர் இன்று வந்தால் மகிழ்வார் அல்லது வருந்துவார்' என்ற தலைப்பில் பேச்சு போட்டி, 'வள்ளுவரும் சமூகநீதியும்' என்ற தலைப்பில் கட்டுரை போட்டி, 'வள்ளுவர் பாடும் பெண் குழந்தை தாலாட்டு' என்ற தலைப்பில் கவிதை போட்டி ஆகி-யவை நடந்தன. கவிஞர் கருமலை தமிழாழன், திருச்சி திலகவதி மற்றும் பேராசிரியர் லட்சுமி ஆகியோர் நடுவர்களாக இருந்தனர்.