போச்சம்பள்ளி: கிருஷ்ணகிரி மாவட்டம், மத்துாரில் அரசு தொடக்கப்பள்ளி உள்ளது. 120க்கும் மேற்பட்ட மாணவ, மாணவிகள் படித்து வருகின்றனர். அரசு உத்தரவின்படி, நேற்று பள்ளி மேலாண்மைக்குழு கூட்டம் நடத்தப்பட்டது. பள்ளி மேலாண்மைக்குழு தலைவி சசிகலா, 28, என்பவரை கூட்டத்துக்கு அழைக்காமல், தன்னிச்சையாக தலைமையாசிரியர் முகமதுசலீம் கூட்டத்தை நடத்தியுள்ளார். அங்கு வந்த சசிகலா, என்னை அழைக்காமல் ஏன் கூட்டம் நடத்துகிறீர்கள் என கேள்வி எழுப்பியுள்ளார்.