கிருஷ்ணகிரி, கிருஷ்ணகிரி நகராட்சி, 1வது வார்டு ஷாப்ஜான் சாயபு தெருவிலுள்ள கழிவுநீர் கால்வாய் வழியாக, ஒகேனக்கல் கூட்டு குடிநீர் குழாய் சென்று, அங்குள்ள மேல்நிலை நீர்த்தேக்கத் தொட்டியில் தண்ணீர் நிரப்பப்படுகிறது. அதேபோல், அதிலிருந்து, 500க்கும் மேற்பட்ட வீடுகளுக்கு செல்லும் குடிநீர் குழாயும் அதே சாக்கடை கால்வாய் வழியாகவே செல்கிறது. இந்த, 2 இரும்பு குழாய்களின் பல இடங்களில் ஓட்டை விழுந்து ஏற்கனவே சேதமாகி உள்ளது. தற்போது மேல்நிலை நீர்த்தேக்க தொட்டிக்கு தண்ணீர் செல்லும் குழாயில், 4 இடங்களில் ஓட்டை விழுந்து கடந்த, 20 நாட்களாக பல லட்சம் லிட்டர் குடிநீர் வீணாகி வருகிறது. மேலும், சாக்கடை கழிவு நீர் அந்த குழாய் உடைப்பு மூலமாக, குடிநீரில் கலக்கிறது.