இது குறித்து, அவர்கள் கூறியதாவது: தர்மபுரிக்கு அடுத்து, அரூர் பெரிய நகரமாக உள்ளது. இப்பகுதியில், வரட்டாறு தடுப்பணை, வாணியாறு அணை ஆகியவற்றுடன், ஏரி, குளம் உள்ளிட்ட நீர் நிலைகள் அதிகளவில் உள்ளன. தற்போது, கோடை விடுமுறை என்பதால், மாணவர்கள் நண்பர் களுடன் நீர் நிலைகளுக்கு சென்று குளித்து வருகின்றனர். அவ்வாறு, குளிக்கும்போது, மாணவ, மாணவியர் நீச்சல் தெரியாமல், இறப்பு சம்பவங்கள் ஆண்டுதோறும், தொடர்ந்து நடக்கிறது. இதை தடுக்கும் வகையில், தர்மபுரியில் அரசு சார்பில், ராஜாஜி நீச்சல் குளம் அமைக்கப்பட்டுள்ளது போல், அரூரிலும் நீச்சல் குளம் அமைத்து, மாணவர்களுக்கு பயிற்சி அளிக்க வேண்டும். இது, மாணவர்களுக்கு மிகவும் பயனுள்ளதாக இருக்கும். இவ்வாறு, அவர்கள் கூறினர்.