ஓசூர்: மஹாராஷ்டிரா மாநிலம், மும்பை செம்பூர் ஷிவ்புரி காலனியை சேர்ந்தவர் தேவானந்த் பி.சவான், 61; இவர், நேற்று முன்தினம் தன் மனைவியுடன், லோக்மான்ய திலக் டெர்மினல் ஸ்டேஷனில் இருந்து, கோவை சென்ற எக்ஸ்பிரஸ் ரயிலில் ஏ.சி., பெட்டியில் பயணித்தார். நேற்று முன்தினம் இரவு, 11:15 மணிக்கு ஓசூர் ரயில்வே ஸ்டேஷனில் இறங்கினார். அவர் மனைவி தன் கைப்பையை ரயிலில் மறந்து விட்டிருந்தார். அதில், 4 லட்சம் ரூபாய் மதிப்புள்ள, 50 கிராம் தங்க நகை, ஒரு மொபைல்போன், விலையுயர்ந்த வாட்ச் மற்றும் 13,000 ரூபாய் இருந்தது.