அடுத்தாண்டு தமிழக சட்டசபை தேர்தல் நடக்கும் நிலையில், அதை காரணம் காட்டி, எருது விடும் விழாவிற்கு அரசு அனுமதி மறுக்கலாம் என்ற தகவல் பரவிய நிலையில், ஓசூர் அருகே சீக்கனப்பள்ளியில், அத்துக்கட்டு நலசங்கம் சார்பில், நேற்று நாட்டு இன மாடுகளை காப்போம் என்ற தலைப்பில் ஆலோசனை கூட்டம் நடந்தது.மாவட்ட தலைவர் கிருஷ்ணமூர்த்தி தலைமை வகித்தார். தர்மபுரி, திருவண்ணாமலை, திருப்பத்துார், வேலுார் மாவட்ட மஞ்சுவிரட்டு, எருது விடும் விழா சங்க தலைவர்கள் பங்கேற்றனர். கூட்டத்தில், ஜல்லிக்கட்டு போலவே, எருது விடும் விழாவிற்கென தனியாக அரசாணை வெளியிட வேண்டும். தேர்தலை காரணம் காட்டி அனுமதி மறுக்கக்கூடாது. எளிமையான நடைமுறைகளை பின்பற்றி, காலை, முதல் மாலை வரை, எருது விடும் விழா நடத்த அனுமதி வழங்க வேண்டும் என தீர்மானம் நிறைவேற்றப்பட்டது.