போச்சம்பள்ளி: கிருஷ்ணகிரி மாவட்டம், மத்துார் அடுத்த, கண்ணன்டஹள்ளி கூட்ரோடு பகுதியிலிருந்து காவேரிப்பட்டணம் செல்லும் சாலையிலுள்ள அத்திகானுார் கிராமம் அருகே கடந்த பிப்., 3ல் மர்ம நபர்கள் தீ வைத்ததில், சுப்பிரமணி என்பவரின் பராமரிப்பு இல்லாத விவசாய நிலத்தில் தீ பரவியது. இந்த தீ, அருகேயிருந்த ராமசாமி என்பவரின் மாந்தோட்டத்தில் பரவியதில், அவரின், 2 மாமரங்கள் மற்றும் விவசாயத்திற்கு பயன்படுத்தப்பட்ட பைப் லைன்கள் சேதமானது. அடுத்த, 15 நாட்களுக்குள் அதே பகுதியில், பராமரிப்பு இல்லாத விவசாய நிலத்தில், மர்ம நபர்கள் வைத்த தீ, கொளுந்து விட்டு எரிந்தது. மேலும், அதே பகுதியில் தனியாருக்கு சொந்தமான ஊறுகாய் நிறுவனம் அருகே, விவசாய நிலத்தில், 20க்கும் மேற்பட்ட மா மரங்கள் எரிந்து நாசமானது.