சேலம் விமான நிலையத்திலிருந்து பெங்களூரு, கொச்சின், ஹைதராபாத் ஆகிய நகரங்களுக்கு உடான் திட்டத்தில், பயணிகள் விமானங்கள் இயக்கப்

படுகின்றன. உடான் அல்லாத திட்டத்தில், சேலம் - சென்னை பயணிகள் விமான சேவையை, இண்டிகோ நிறுவனம் இயக்கி வருகிறது. கோடை விடுமுறைக்கு பின், நேற்று பள்ளிகள் திறக்கப்பட்டதால், சொந்த ஊருக்கு செல்வோர், விமானத்தில் செல்ல முன்பதிவு

செய்தனர்.

வழக்கமாக சேலம் - சென்னைக்கு, 4,000 முதல் 4,500 ரூபாய் வரை டிக்கெட் கட்டணம் வசூல் செய்யப்படுகிறது. நேற்று மட்டும், 6,700 ரூபாய் கட்டணம் வசூலிக்கப்பட்டது. இதேபோல், மதுரை - சென்னை, திருச்சி - சென்னை, துாத்துக்குடி - சென்னை ஆகிய பகுதிகளுக்கு, வழக்கமான கட்டணத்தை விட, மூன்று மடங்கு கட்டணம் வசூலிக்கப்பட்டதால் பயணிகள் அதிர்ச்சியடைந்தனர்.