ஓசூர்:கிருஷ்ணகிரி மாவட்டம், ஓசூரில் உள்ள ராயக்கோட்டை சாலை சந்திப்பில் பண்டாஞ்சநேயர் கோவில் உள்ளது. இதன் அருகே, கிருஷ்ணகிரி - பெங்களூரு தேசிய நெடுஞ்சாலை மேம்பாலத்தின் அடியில், சர்வீஸ் சாலையில், நேற்று மாலை கழிவு நீர் பெருக்கெடுத்து ஓடியது. இதனால் அவ்வழியாக சென்ற வாகன ஓட்டிகள் அவதியடைந்தனர். கனரக வாகனங்கள் சென்ற போது, இருசக்கர வாகன ஓட்டிகள் மீது, கழிவு நீர் தெரித்து விழுந்தது.