கிருஷ்ணகிரி, கிருஷ்ணகிரி மாவட்ட விளையாட்டு அரங்கில், முதல்வர் கோப்பைக்கான மாவட்ட விளையாட்டு போட்டிகள் கடந்த மாதம், 26 முதல் நடந்து வருகிறது. நேற்று பொதுப்பிரிவில் ஆண்களுக்கான கபடி போட்டியில், 180 பேரும், பெண்களுக்கான கல்லுாரி பிரிவில் கால்பந்து போட்டியில், 144 மாணவியர் என மொத்தம், 324 பேர் பங்கேற்றனர். இப்போட்டியின் துவக்க நிகழ்ச்சியில், மாவட்ட விளையாட்டு அலுவலர் ராஜகோபால் வரவேற்றார். கலெக்டரின் நேர்முக உதவியாளர் ராமஜெயம், சி.இ.ஓ.,வின் முன்னாள் நேர்முக உதவியாளர் முனுசாமி ஆகியோர் இப்போட்டிகளை துவக்கி வைத்தனர்.