ஓசூர், ஓசூர் ஊராட்சி ஒன்றியம், நவதி ஊராட்சி ஒன்றிய துவக்கப்பள்ளியில் நடந்த, 'உங்களுடன் ஸ்டாலின்' திட்ட முகாமை, மாவட்ட கலெக்டர் தினேஷ்குமார் ஆய்வு செய்தார். தொடர்ந்து, முதல்வர் விரிவான மருத்துவ காப்பீட்டு அட்டைகள், வருமான சான்றிதழ், ஜாதி சான்றிதழ்கள் கோரி விண்ணப்பித்தவர்களுக்கு, உடனடி நடவடிக்கையாக, 8 நபர்களுக்கு, முதலமைச்சரின் விரிவான மருத்துவ காப்பீட்டு அட்டைகள், வருமான சான்றிதழ், ஜாதி சான்றிதழ்கள், குறு விவசாயி சான்று மற்றும் மின் இணைப்பில் பெயர் மாற்றத்திற்கான ஆணைகளை மாவட்ட கலெக்டர் தினேஷ்குமார் வழங்கினார். ஓசூர் தாசில்தார் பரிமேலழகர், பி.டி.ஓ.,க்கள் முருகன், விஜயா மற்றும் துறை சார்ந்த அலுவலர்கள் கலந்து கொண்டனர்.