கடந்த, 30ம் தேதி இரவு, 7:30 மணிக்கு, சின்ன பெல்லாரம்பள்ளி - பாலேகுறி சாலையில், அண்ணன், தம்பி இருவரும், ஹீரோ ஸ்பிளண்டர் பைக்கில் சென்றனர். அண்ணன் தேவபிரசாந்த் பைக்கை ஓட்டினார்.

ஊரிலுள்ள தண்ணீர் தொட்டி அருகே சென்றபோது, கிருஷ்ணகிரி அருகே குருதத்தனுார் இருளர் காலனியை சேர்ந்த டிராக்டர் டிரைவர் திம்மராஜ், 40, எந்த முன்னெச்சரிக்கையும் செய்யாமல் சாலையில் டிராக்டரை நிறுத்தியிருந்தார். அதனால், டிராக்டர் பின்னால் பைக் மோதியதில், தேவபிரசாந்த் சம்பவ இடத்திலேயே பலியானார். கோபிநாத் படுகாயமடைந்தார். விபத்திற்கு காரணமான டிராக்டர் டிரைவர் திம்மராஜை, நேற்று முன்தினம் கிருஷ்ணகிரி தாலுகா போலீசார் கைது செய்தனர்.