ஊத்தங்கரை, ஊத்தங்கரை அடுத்த, திருவனப்பட்டி கிராமத்திலுள்ள அரசினர் உயர்நிலைப் பள்ளியில், 6-ம் வகுப்பு முதல், 10-ம் வகுப்பு வரை, 111 மாணவ, மாணவியர் படிக்கின்றனர். கடந்த, 8 ஆண்டுகளாக பணியாற்றி வந்த ஆசிரியர்கள் குமார் மற்றும் நாகமணி ஆகிய இருவர் இடமாற்றம் செய்யப்பட்டதை எதிர்த்து, மாணவர்கள் பள்ளி வளாகத்துக்குள் பதாகைகளை ஏந்தி தரையில் அமர்ந்து, ஒரு மணி நேரத்துக்கும் மேலாக ஆர்ப்பாட்டத்தில் ஈடுபட்டனர். அப்‍போது, 'எங்கள் ஆசிரியர்கள், திரும்ப வந்தால் மட்டுமே பள்ளிக்கு வருவோம்' என, மாணவர்கள் கோஷமிட்டனர்.