இங்குள்ள, 4வது பிளாக்கில், 8வது மாடியில் உள்ள ஒரு குளியலறையில் ரகசிய கேமரா வைக்கப்பட்டு, பெண்கள் குளிப்பதை படம் பிடித்த சம்பவம், நாடு முழுவதும் அதிர்வலையை ஏற்படுத்தியது. கடந்த மாதம், 4 முதல், 6ம் தேதி வரை பெண் தொழிலாளர்கள் வேலைக்கு செல்லாமல் போராட்டத்தில் ஈடுபட்டனர். ரகசிய கேமரா வைத்ததாக, ஒடிசா மாநிலத்தை சேர்ந்த நீலுகுமாரி குப்தா, 23, மற்றும் அவரது காதலனான பஞ்சாப் மாநிலத்தை சேர்ந்த ரவி பிரதாப் சிங், 29, ஆகிய இருவரை, உத்தனப்பள்ளி போலீசார் கைது செய்தனர். இதில், ரவிபிரதாப் சிங், சேலம் மத்திய சிறையிலும், நீலுகுமாரி குப்தா, கோவை பெண்கள் சிறையிலும் அடைக்கப்பட்டுள்ளனர்.அவர்களை குண்டர் சட்டத்தில் கைது செய்ய, மாவட்ட எஸ்.பி., தங்கதுரை பரிந்துரை படி, கிருஷ்ணகிரி மாவட்ட கலெக்டர் தினேஷ்குமார் உத்தரவிட்டார். இந்த உத்தரவு நகல், சிறை நிர்வாகத்திடம் வழங்கப்பட்டது.