கிருஷ்ணகிரி: கிருஷ்ணகிரியில், தமிழ்நாடு கிராம நிர்வாக அலுவலர்கள் சங்க மாவட்ட பொதுக்குழுக் கூட்டம் மற்றும் கொடியேற்று விழா நேற்று நடந்தது. கிருஷ்ணகிரி தாலுகா அலுவலக வளாகத்தில் சங்கக் கொடியை மாநிலத் தலைவர் சசிகுமார் ஏற்றி வைத்தார். பின்னர் நடந்த பொதுக்குழுக் கூட்டத்தில், மாவட்ட செயலாளர் அறிவழகன் வரவேற்றார். மாவட்டத் தலைவர் லட்சுமணன் தலைமை வகித்தார். மாநிலத் தலைவர் சசிகுமார், மாநில பொதுச் செயலாளர் குமார், மாநில பொருளாளர் தியாகராஜன் ஆகியோர் பேசினர். மாவட்ட பொருளாளர் ராம் சுரத்குமார் நன்றி கூறினார்.