ஆர்ப்பாட்டத்தில், மாநிலத்தலைவர் புனிதா பேசியதாவது: தாய்மார்கள் மற்றும் குழந்தைகளுக்கு தடுப்பூசி செலுத்தும் பணியை கடந்த, 45 ஆண்டுகளாக கிராம சுகாதார செவிலியர்கள் மேற்கொண்டு வருகின்றனர். தமிழ்நாடு முழுவதும், 40 சதவீதத்திற்கும் அதிகமான கிராம சுகாதார செவிலியர் காலிப்பணியிடங்கள் உள்ளதால், இருக்கும் கிராம சுகாதார செவிலியர்களை கொண்டு தடுப்பூசி செலுத்தும் பணியை, கூடுதல் சுமைகளோடு மேற்கொண்டு வருகிறோம். தற்சமயம், எம்.எச்.பி., ஊழியர்களை கொண்டு இந்த தடுப்பூசியை செலுத்த, பொது சுகாதார இயக்குனர் ஆணை பிறப்பித்துள்ளார். இந்த நடவடிக்கையை கைவிட்டு, காலியாக உள்ள கிராம சுகாதார செவிலியர் பணியிடங்களை நிரப்பி, கிராம சுகாதார செவிலியர்கள் மூலம் தடுப்பூசி செலுத்தும் பணியை மேற்கொள்ள வேண்டும். இவ்வாறு, அவர் பேசினார்.