ஓசூர் : சூளகிரி அருகே தென்பெண்ணை ஆற்றின் குறுக்கே உள்ள ஆலியாளம் அணைக்கட்டில் இருந்து, பாத்தக்கோட்டா வழியாக கனஜூர் வரை, 8.80 கி.மீ., துாரத்திற்கு வலதுபுற வாய்க்கால் செல்கிறது. ஆண்டு முழுவதும் தண்ணீர் சென்றதால் ஆண்டு முழுவதும், 1,500 ஏக்கருக்கு மேல் விவசாயம் நடந்தது. வாய்க்காலின் கரைகளை கான்கிரீட் சுவர் அமைத்து பலப்படுத்தும் பணி கடந்த இரண்டரை ஆண்டுகளாக நடக்கிறது. அதனால், வாய்க்காலில் பாசனத்திற்கு நீர் திறக்கப்படவில்லை. விவசாய நிலங்கள் வானம் பார்த்த பூமியாக மாறின. தற்போது கோடை வெயிலால், வாய்க்கால் பாசனத்தை நம்பியிருந்த விவசாய நிலங்களில் இருந்த தென்னை மரங்கள் உட்பட அனைத்தும் கருக துவங்கின. அதனால், வாய்க்காலில் நீர் திறக்க, விவசாயிகள் கோரிக்கை விடுத்தனர். வாய்க்கால் பணி முழுமை பெறாத நிலையில், கடந்த மாதம், 15ல் வாய்க்காலில் தண்ணீர் திறக்கப்பட்டது.