நெடுங்கல் அணைக்கு, சுற்று வட்டார கிராம மக்கள் குளிக்கவும், அணையை பார்த்து ரசிக்கவும், ஈம சடங்கு செய்வதற்காகவும் நாள்தோறும், 200க்கும் மேற்பட்டோர் வந்து செல்கின்றனர். தடுப்பணை ஒட்டி மதகு அமைந்துள்ள இடத்தின் மேல்பகுதியின் இருபுறங்களிலும், 40 அடி நீளத்திற்கு, 3 அடி உயரத்திற்கு இரும்பு தடுப்பு அமைக்கப்பட்டுள்ளது. அதின் வலதுபுறமுள்ள தடுப்பு சேதமாகி தனியாக தொங்கியவாறு உள்ளது. அங்கு வரும் பொதுமக்கள் இதையறியாமல் தடுப்பு மீது சாய்ந்து அணையை பார்வையிட்டால், 15 அடி ஆழ ஆற்றில் விழ நேரிடும் அபாயம் உள்ளது. ஏதேனும், அசம்பாவிதம் ஏற்படும் முன், சம்மந்தப்பட்ட அதிகாரிகள் சேதமான இரும்பு தடுப்புவேலியை சரிசெய்ய கோரிக்கை எழுந்துள்ளது.