திருக்கல்யாணத்தில் பங்கேற்ற பக்தர்கள் கூறியதாவது:

* பேரானந்தம் கிடைத்தது

திருக்கல்யாணத்தை பார்ப்பதற்காகவே சென்னையில் இருந்து வந்துள்ளோம். சுவாமி தரிசனம் கிடைக்க கொடுத்து வைத்துள்ளோம். பக்தர்கள் பேரானந்தம் அடைய மீனாட்சி அம்மன் திருக்கல்யாணத்தை பார்க்க வேண்டும்.

- சுவாதி பிரியா, சென்னை.

* பல ஆண்டுகளாக வருகிறேன்

பல ஆண்டுகளாக மீனாட்சி திருக்கல்யாணத்தை காண வருகிறேன். இந்தாண்டும் வெயிலை, கூட்ட நெரிசலை பொருட்படுத்தாமல் திருக்கல்யாணத்தில் பங்கேற்று தரிசனம் செய்தேன். இது நான் செய்த பாக்கியமே.

- சித்ரா, மதுரை.

* புதிய அனுபவம்

மீனாட்சி -சுந்தரேஸ்வரர் திருக்கல்யாணத்தை காண வேண்டும் என பல ஆண்டுகளாக எதிர்பார்த்தேன். இந்தாண்டு பல ஆயிரம் பக்தர்களுடன் சேர்ந்து தரிசித்தது ஒரு புதிய அனுபவமாக இருந்தது. சந்தோஷம், மனநிறைவாக உள்ளது.

- மஞ்சுளா, சென்னை.

* வசதிகள் சிறப்பாக இருந்தன

மேலுாரில் இருந்து வந்தோம். அன்னை மீனாட்சி திருக்கல்யாணத்தை அகம்குளிர கண்டு மனமுருகி வேண்டிக் கொண்டோம். பக்தர்கள் கூட்டம் அதிகளவில் இருந்தாலும், போதுமான வசதிகளை சிறப்பாக செய்திருந்தனர்.

- மோகனா தேவி, மேலுார்.