ஒரு கூடை (15 கிலோ) தக்காளி ரூ.120க்கு விற்கின்றனர். இதில் கமிஷன் போக ரூ.100 தான் விவசாயிக்கு கிடைக்கும். ஒரு நாள் தக்காளி பறிப்பவரின் கூலி ரூ.300. மூன்று கூடைக்குதான் தக்காளி கிடைக்கும். கூலிக்கு கூட வரவில்லை. விலையில்லாததால் பறிக்காமல் விட்டதால் அவை செடியிலே அழுகி வருகின்றன.

விவசாயிகள் கூறுகையில், ''ஆறு கூடை பறிப்பதற்கு ரூ.600 கூலி செலவாகிறது. நாங்கள் பாடுபட்டதற்கு வருமானம் எதுவும் இல்லை. அதனால் பறவைகளுக்கு இரையாகட்டும் என்று விட்டு விட்டோம்'' என்றனர்.