கோயில் சார்பில் திருவாட்சி மண்டபத்தில் 3 அடி வெள்ளி விளக்கு, கம்பத்தடி மண்டபம், உற்ஸவர் சன்னதி, மடப்பள்ளி மண்டபம், ஆஸ்தான மண்டபங்களில் 3 அடி பித்தளை விளக்குகள் அலங்கரித்து வைக்கப்பட்டன.

பிரதான விளக்கில் சிவாச்சாரியார்கள் தீபம் ஏற்றி பூஜை செய்தனர். தொடர்ந்து கோயில் அனைத்து மண்டபங்களிலும் இருந்த பெண் பக்தர்கள் தீபம் ஏற்றி பூஜை செய்தனர். தீபாராதனைக்கு பின்பு பிரசாதம் வழங்கப்பட்டது. அறங்காவலர் குழுத்தலைவர் சத்யபிரியா, அறங்காவலர் சண்முகசுந்தரம், துணை கமிஷனர் சூரிய நாராயணன் பங்கேற்றனர்.