UPDATED : அக் 08, 2026 10:27 PM
ADDED : அக் 08, 2026 07:52 PM

அ நிறம் | அளவு
மதுரை:மதுரை கரிமேடு கார்த்திகா 35, பெத்தானியாபுரம் ஜெயபிரபா 43, தேனி மாவட்டம் உத்தமபுரம் மணிமாறன் 36. இவர்கள் 2024 ல் ஒரு காரில் 25 கிலோ கஞ்சாவை கடத்தியபோது துவரிமான் நான்குவழிச்சாலை அருகே நாகமலை புதுக்கோட்டை போலீசார் பறிமுதல் செய்தனர். வழக்கு பதிந்தனர். மதுரை போதைப்பொருள் தடுப்பு வழக்கு நீதிமன்றத்தில் விசாரணை நடந்தது. அரசு தரப்பில் வழக்கறிஞர் சவுரிராமன் ஆஜரானார்.
நீதிபதி சுதாகர் பிறப்பித்த உத்தரவு: கார்த்திகா உள்ளிட்ட 3 பேர் மீதான குற்றச்சாட்டை அரசு தரப்பு நிரூபித்துள்ளது. அவர்களுக்கு தலா 10 ஆண்டுகள் சிறை தண்டனை, தலா ரூ.1 லட்சம் அபராதம் விதிக்கப்படுகிறது என்றார்.
இதற்கிடையே விசாரணை அதிகாரி முருகானந்தம், ஏட்டு சதீஷ்ராஜா உள்ளிட்டோரை எஸ்.பி., தேவநாதன் பாராட்டினார்.
