நேற்று காலை 7:00 மணிக்கு அமைச்சர் மூர்த்தி எம்.எல்.ஏ., வெங்கடேசன், டி.ஆர்.ஓ., சக்திவேல், ஆர்.டி.ஓ., ஷாலினி போட்டியை துவக்கி வைத்தனர்.கலெக்டர் சங்கீதா போட்டியை பார்வையிட்டார். காளைகள், வீரர்கள் மருத்துவ பரிசோதனைக்கு பின் அனுமதிக்கப்பட்டனர். எஸ்.பி., அரவிந்த் தலைமையில் போலீசார் பாதுகாப்பு பணியில் ஈடுபட்டனர்.

கிழக்கு தொகுதிக்குட்பட்ட 936 காளைகள் களம் கண்டன. அதனை அடக்க 375 வீரர்கள் விளையாடினர். காயமடைந்த 36ல் 10 பேர் மதுரை அரசு மருத்துவமனைக்கு அனுப்பி வைக்கப்பட்டனர். வெற்றி பெற்ற காளைக்கும், வீரருக்கும் தங்க காசு, சைக்கிள், மிக்சி உள்ளிட்ட பரிசுகள் வழங்கப்பட்டன. இன்று (பிப்.12) கிழக்கு தொகுதி 2ம் நாள் போட்டியும், 16ல் சோழவந்தான் தொகுதி காளைகள் பங்கேற்கும் போட்டியும் நடக்கிறது.