உசிலம்பட்டி கீழமாதரை காலனியைச் சேர்ந்தவர் பழனியாண்டவர் 55. இவர் வத்தலக்குண்டு ரோட்டில் உள்ள பேக்கரியில் வேலை பார்த்து வருகிறார். தனக்கு தினசரி வழங்கப்படும் ரூ.400 சம்பளத்தை ரூ.500 ஆக உயர்த்தித்தரும்படி கேட்டுள்ளார். பேக்கரி உரிமையாளர் கோபி 37 ,மற்றும் ரவி, நித்திஷ், சாமியார் ஆகிய நான்கு பேர் சேர்ந்து சம்பளம் அதிகமாகக் கேட்டவரை சின்னச்செம்மேட்டுப்பட்டிக்கு அழைத்துச் சென்றனர். அங்கு அவரது சாதிப்பெயரை சொல்லி திட்டியதுடன், சம்பளம் கூடுதலாகவா கேட்கிறாய் என அடித்துள்ளனர். இது குறித்து நால்வர் மீதும் வன்கொடுமை தடுப்புச் சட்டத்தின் கீழ் வழக்கு பதிவு செய்த போலீசார் கோபியை கைது செய்தனர். மற்ற மூவரையும் தேடி வருகின்றனர்.