இந்த கூட்டத்தில் கலந்து கொள்ளும் ம.தி.மு.க., பொதுச் செயலாளர் வைகோ, ரயில்வே உட்கட்டமைப்பு, ஸ்டேஷன் நிறுத்தம், வணிகம் உள்பட சில கோரிக்கைகளை ஏற்கனவே முன்வைத்துள்ளார். அதில் செங்கேட்டை - தென்காசி இரட்டை பாதை கணக்கெடுப்பு, நெல்லை - செங்கோட்டை நடைமேடைகளை அதிகரித்தல், ஸ்டேஷன் நிறுத்த அடையாள காட்சி பலகை வைத்தல், ராமேஸ்வரம்- செங்கோட்டையில் இருந்து கோவைக்கு கூடுதல் ரயில்கள் இயக்குதல். தென்காசி வழியாக திருநெல்வேலி - பெங்களூரு சிறப்பு ரயில் இயக்குதல் குறித்து தெரிவித்துள்ளார்.,

மேலும் மதுரை-பெங்களூரு இடையே காலையில் எக்ஸ்பிரஸ் ரயில் உள்ளதாக 2013ல் அறிவிப்பு வெளியானது. அது கடந்த 10 ஆண்டுகளாக நிறைவேறவில்லை. எனவே மதுரையிலிருந்து - பெங்களூருக்கு வந்தே பாரத் ரயிலை உடனடியாக அறிமுகப்படுத்த வேண்டும். கொங்கன் ரயில்வே தொடங்கி 25 ஆண்டுகள் ஆகிறது. ஆனால் இன்னும் தமிழக மக்களுக்கு கொங்கன் ரயில்வேயின் பலன் கிடைக்கவில்லை.

திருநெல்வேலி - தென்காசி சந்திப்பு வழியாக தாம்பரம் வாராந்திர சிறப்பு ரயில் இயக்கப்பட வேண்டும். தென்காசி வழியாக திருநெல்வேலி - பெங்களூரு சிறப்பு ரயில் இயக்க வேண்டும் என்பன போன்ற பல்வேறு கோரிக்கைகள் பற்றி விவாதிக்கப்படுவதாக தெரிவித்துள்ளனர். இதற்கு முன் கருத்துகேட்பு கூட்டத்தில் கோரிக்கைகள் குறிப்பிடும் நிலையே இருந்தது. தற்போது கோரிக்கைகள் மீதான விவாதங்கள் நடைபெறுகிறது என ரயில்வே வட்டாரங்கள் தெரிவிக்கின்றன.