கட்டுப்பாட்டை இழந்து எதிரே வந்த ஷேர் ஆட்டோ மீது மோதி, அருகில் உள்ள கடைக்குள் புகுந்தது. பஸ்சின் ஸ்டியரிங் ராடு உடைந்ததால் விபத்து ஏற்பட்டது. ஆட்டோ டிரைவர் உட்பட 4 பேர் காயமடைந்தனர். கடையில் இருந்த ஆறுமுகம் என்பவரது கால்கள் துண்டாகின. காயமடைந்தவர்கள் மதுரை அரசு மருத்துவமனையில் அனுமதிக்கப்பட்டனர். இப்பகுதியில் வேகத்தடை அமைக்க வேண்டும். காயமடைந்தவர்களுக்கு உரிய இழப்பீடு வழங்க வேண்டும் எனக்கூறி அப்பகுதியினர் மறியலில் ஈடுபட்டனர். அப்பன்திருப்பதி போலீசார் சமரசம் செய்தனர்.