இதன் விலை ரூ.50 லட்சம். நோயாளியை படுக்கவைத்து இடுப்பெலும்பு, முதுகெலும்பு பரிசோதனையை 5 நிமிடங்களுக்குள் ஸ்கேன் செய்ய முடியும். இந்த கருவி மதுரை அரசு மருத்துவமனை அகச்சுரப்பியல் துறையின் சார்பில் வாங்கப்பட உள்ளது.

டாக்டர்கள் கூறியதாவது: முதுகெலும்பின் (ஆஸ்டியோபோராசிஸ்) அடர்த்தியை கண்டறிய இந்த கருவி உதவுகிறது. மாதவிடாய் நின்ற பெண்களுக்கு முதுகெலும்பு, இடுப்பெலும்பு தேய்மானம் ஏற்படும். இது குணப்படுத்தக்கூடிய ஒரு நோய். சரியான நேரத்தில் தேய்மானத்தை கண்டறிந்தால் நவீன மருந்துகளின் மூலம் சிகிச்சை அளித்து குணப்படுத்தலாம்.

எலும்பு முறிவு ஏற்படுவதற்கான வாய்ப்புகள் இருந்தாலும் அதை முன்கூட்டியே கண்டறிந்து சிகிச்சை அளிக்கலாம். மேலும் வயதின் தன்மைக்கேற்ப எலும்பின் அடர்த்தி இழப்பை கண்டறிய முடியும். மரபணு ரீதியாக பெற்றோர்களுக்கு ஏற்கனவே 'ஆஸ்டியோபோராசிஸ்' நோய் இருந்தாலும் அவர்களின் இளம் தலைமுறையினருக்கு எலும்பின் அடர்த்தியை கண்டறிவது அவசியம். இல்லாவிட்டால் திடீரென எலும்பு முறிவு ஏற்படும் போது பாதிப்பு அதிகமாகும். 60 வயதுக்கு மேற்பட்ட ஆண்களுக்கும் இந்த பரிசோதனை செய்யலாம்.

மதுரை அரசு மருத்துவமனை அகச்சுரப்பியல் துறையில் முதல்வர் காப்பீட்டுத் திட்டத்தின் கீழ் இலவசமாக செய்வதற்கு ஏற்பாடு செய்யப்படுகிறது. இந்த கருவி வைப்பதற்கான கூடுதலான அறை கட்டப்பட்டு வருகிறது. மேலும் இடுப்பு, வயிறு, தொடை, தோள்பட்டை பகுதியில் உள்ள கொழுப்பின் அடர்த்தியையும் இந்த பரிசோதனையில் கண்டறியலாம்.

'பேரியாடிக்' எனப்படும் கொழுப்பு நீக்க அறுவை சிகிச்சைக்கு முன்னும் பின்னும் இந்த பரிசோதனை முடிவுகள் உதவும் என்றனர்.