இதுவரை நினைத்து பார்க்க முடியாத அளவுக்கு ஏராளமான பொழுதுபோக்கு அம்சங்களுடன் தென் மாவட்ட மக்களை 'ஷாப்பிங்' மழையால் நனைக்க வரும் இந்த தினமலர் ஸ்மார்ட் ஷாப்பர்ஸ் எக்ஸ்போ ஆக.,29ல் துவங்கி செப்.,1 வரை நடக்கும் நான்கு நாட்களும் தமுக்கம் மைதானம் 'ஷாப்பில் கொண்டாட்டம்' களைகட்டப் போகிறது.

குட்டீஸ்கள் முதல் அனைவரும் விரும்பும் அனைத்து பொருட்களையும் நினைத்த விலையில் மனம்போல் வாங்க 'இந்தாண்டு எப்ப தான் ஆகஸ்ட் வருமோ, வீட்டு உபயோக பொருட்கள் கண்காட்சியை தினமலர் நடத்துமோ...' என ஏக்கத்துடன் எதிர்பார்த்து, வழிமேல் விழி வைத்து காத்திருப்போரை குஷிப்படுத்த கண்காட்சியில் ஏராளமான ஆச்சரியங்கள், அதிசயங்கள், அரிய வகை பொருட்கள் காத்திருக்கின்றன. கண்காட்சியை காண இப்போதே தயாராகுங்கள். குடும்பத்தோடு ஜாலியாக வாங்க, குதுாகலமாக ஷாப்பிங் செய்யுங்க, வாங்கும் பொருட்களுடன் அதிர்ஷ்டத்தையும் வீட்டுக்கு அழைத்துச் செல்லுங்கள்.

குளிர வைக்கும் ஏசி ஸ்டால்கள் கண்காட்சியில் தமிழகத்தை சேர்ந்த ஸ்டால்கள் மட்டுமின்றி வெளிநாடு, வெளி மாநிலத்தை சேர்ந்தவை என நுாற்றுக்கணக்கான 'ஏசி' ஸ்டால்கள் இடம் பெறுகின்றன. தமுக்கத்தில் உள்ளே நுழைந்தால் 'அட இது என்னப்பா நம்ம மதுரையிலா...' என ஆச்சரியத்தை ஏற்படுத்தி, ஹைடெக் மெகா ஷாப்பிங் உலகத்திற்குள் உங்களை அழைத்துச் செல்லும் உணர்வு ஏற்படும் ஸ்டால்கள் தயாராகி வருகின்றன.

இளமை இதோ இதோ இளம் பெண்களே... ரெடிமேட் ஆடைகள், அழகு சாதனம், பேன்ஸி பேக்ஸ், கலை நயமிக்க டிசைனர் ஜூவல்லரி, பாரம்பரிய சேலை ரகங்கள் என நீங்கள் விரும்பியதை மனம்போல் வாங்கலாம். அழகான வளைகரங்களுக்கு மேலும் அழகூட்டும் வகையில் அட்டகாசமான டிசைன்களில் மெகந்தியை இலவசமாக வரைய தயாராகுங்கள். ஆண்களுக்கான ரெடிமேட் சர்ட், டிசர்ட், பேன்ட் உள்ளிட்ட ஆடைகளும் அட்டகாசமான தள்ளுபடி விலைகளில் கிடைக்கும்.

ஹோம் தியேட்டரும் உண்டு கண்காட்சின்னா வெறும் பொருட்களை மட்டும் தான் வச்சிருப்பாங்கனு நினைக்க வேண்டாம். கடல் மாதிரி கடைகள் விரிந்து பரந்து ஆச்சரியத்தை ஏற்படுத்த போகின்றன. 10 ரூபாயிலிருந்து ஒரு லட்சம் ரூபாய் விலை வரை உங்களுக்கு ஏற்ற பொருட்களை மனம் போல் அள்ளலாம். ஹோம் தியேட்டர், கிரைண்டர், மிக்ஸி, பிரிட்ஜ், வாஷிங் மெஷின், கட்டில், சோபா, ஊஞ்சல், பீரோ, லாக்கர், ஸ்மார்ட் போன், அலங்கார மின் விளக்குகள், கொசு வலை, எலக்ட்ரானிக்ஸ் அப்ளையன்சஸ், பெங்களூரு கிராப்ட் பர்னிச்சர்ஸ், ஸ்பேஸ் சேவிங் பர்னிச்சர்ஸ், யுனிக் கவுஸ்ஹோல்டு தயாரிப்புகள், ஜெய்ப்பூர் கார்மென்ட்ஸ், கோலாப்பூரி செப்பல்ஸ், மும்பை பேஷன் ஜூவல்லரிஸ், டில்லி புட்வேர், ராஜஸ்தான் மார்பிள்ஸ் அண்ட் மெட்டல் கிராப்ட்ஸ் என பொருட்களை அள்ளலாம்.

வீடு, கார் வாங்கலாம் ஸ்மார்ட் ஷாப்பர்ஸ் எக்ஸ்போவில் ஒரு பகுதியாக பில்ட் எக்ஸ்போ மற்றும் ஆட்டோமொபைல் எக்ஸ்போவும் நடக்கிறது. வீடு கட்டித்தரும் புரமோட்டர்கள், முன்னணி கார் நிறுவனங்களின் தயாரிப்புகளை ஒரே நேரத்தில் பார்வையிடலாம். சொந்தமாக வீடுகட்ட, கனவு நிறைவேற தினமலர் ஷாப்பிங் திருவிழாவில் அச்சாரம் போடலாம். பட்ஜெட்டுக்கு ஏற்ற எந்த பிராண்ட் கார்களையும் வாங்கலாம். புக்கிங் வசதி உண்டு. கண்காட்சியில் நேரில் பார்வையிட்டு உங்கள் பட்ஜெட்டுக்கு ஏற்ற காரை வாங்கலாம்.

ரசிக்கலாம் ருசிக்கலாம் ஸ்டால் ஸ்டாலாக ஷாப்பிங் செய்து சோர்ந்து விட்டால் என்ன செய்ய என கவலை வேண்டாம். புட்கோர்ட்டில் கமகமக்கும் வகை வகையான உணவுகளை ருசி பார்க்கலாம். மட்டன், சிக்கன் பிரியாணி, கோலா, பீட்சா, பர்கர், நண்டு லாலிபாப், பிங்கர் பிஷ், பிஷ் பிரை என அசைவ உணவுகளை ருசிக்கலாம். போண்டா, பஜ்ஜி, வடை, புட்டு, சிப்ஸ், முறுக்கு, அல்வா, ஐஸ்கிரீம், குல்பி என சாப்பாட்டு வகைகள் வரிசை கட்டியிருக்கும்.

குட்டீஸ்களுக்கு போத்தீஸ் கேம் ஸோன் கண்காட்சியில் குட்டீஸ்களை குஷிப்படுத்த போத்தீஸ் கேம் ஸோன் உள்ளது. உங்கள் குழந்தைகளை மகிழ்விக்க பேட்டரி கார், வாட்டர் போட், சிக்குபுக்கு ரயில், வாட்டர் ரோலிங், ஹேப்பி பன் சிட்டி, பலுான் சூட்டிங் என பல பொழுதுபோக்கு அம்சங்கள் காத்திருக்கின்றன. அவற்றில் உங்கள் குட்டீஸ்களை விளையாட வைத்து அவர்களை சந்தோஷத்தில் திக்குமுக்காட வைக்கலாம். ஸ்டால்களில் குழந்தைகளுக்கான பொம்மைகள், புத்தகங்களும் வாங்கலாம். குழந்தைகளை மகிழ்விக்க இலவச பலுான்கள் வழங்கப்படுகின்றன.

டூவீலர், கார் பார்க்கிங் வசதி, மருத்துவ உதவி போன்ற ஏற்பாடுகள் செய்யப்பட்டுள்ளன. பாதுகாப்பிற்காக சி.சி.டி.வி., கேமராக்கள் வசதி செய்யப்படுகிறது. ஷாப்பிங்கிற்கு தேவையான அத்தனை ஆச்சரியங்களும் ஒரே இடத்தில் கொட்டிக்கிடக்கும் இக்கண்காட்சியின் ஒவ்வொரு நாளும் ஆனந்தம் தரும். குழந்தைகளுடன் குதுாகலமாய் பார்வையிடுங்க. விரும்பிய பொருட்களை அள்ளுங்க...

இணைந்து கரம் சேர்ப்போர்: பவர்டு பை ஜி ஸ்கொயர் குரூப்.

அசோசியேட் ஸ்பான்சர்: ஆனந்தா அண்ட் ஆனந்தா, முத்து மெட்டல், கோ ஸ்பான்சர் பிராங் பேபர், ஆல்பா பர்னிச்சர்ஸ், சலானி ஜூவல்லரி மார்ட், கோவை லட்சுமி, ஆடியோ பார்ட்னர் இன்போ பஸ், ரேடியோ பார்ட்னர் ரேடியோ மிர்ச்சி.