அதன்படி, நவ., 2 முதல் 30 வரை வியாழன், சனி, திங்கள் கிழமைகளில் தாம்பரம் - ராமநாதபுரம் சிறப்பு ரயில் (06103) தாம்பரத்தில் இருந்து மாலை 5:00 மணிக்கு புறப்பட்டு மறுநாள் அதிகாலை 4:55 மணிக்கு ராமநாதபுரம் செல்லும். மறுமார்க்கத்தில், நவ., 3 முதல் டிச., 1 வரை வெள்ளி, ஞாயிறு, செவ்வாய் கிழமைகளில் ராமநாதபுரம் - தாம்பரம் சிறப்பு ரயில் (06104) ராமநாதபுரத்தில் இருந்து காலை 10:55 மணிக்கு புறப்பட்டு இரவு 11:10 மணிக்கு தாம்பரம் செல்லும்.

இந்த ரயில்கள் செங்கல்பட்டு, மேல்மருவத்துார், விழுப்புரம், கடலுார், மயிலாடுதுறை, திருவாரூர், அதிராம்பட்டினம், பட்டுக்கோட்டை, அறந்தாங்கி, காரைக்குடி, சிவகங்கை, மானாமதுரை, பரமக்குடி ரயில் நிலையங்களில் நின்று செல்லும். ஒரு குளிர்சாதன இரண்டடுக்கு படுக்கை வசதிப் பெட்டி, 3 குளிர்சாதன மூன்றடுக்கு படுக்கை வசதிப் பெட்டிகள், 6 இரண்டாம் வகுப்பு படுக்கை வசதிப் பெட்டிகள், 7 பொதுப் பெட்டிகள், 2 மாற்றுத்திறனாளிகளுக்கான பெட்டிகளுடன் இயக்கப்படும். முன்பதிவு நடக்கிறது.