நெல் கொள்முதல் மையங்களில் வசதிகள்: உயர்நீதிமன்றம் நம்பிக்கை
நெல் கொள்முதல் மையங்களில் வசதிகள்: உயர்நீதிமன்றம் நம்பிக்கை
UPDATED : அக் 21, 2026 04:50 PM
ADDED : அக் 21, 2026 04:44 PM
மதுரை: நெல் கொள்முதல் மையங்கள் சேமிப்பதற்கான வசதிகளை கொண்டிருக்கும் என உயர்நீதிமன்ற மதுரைக் கிளை நம்பிக்கை தெரிவித்தது. வழக்கறிஞர் ஸ்டாலின் தாக்கல் செய்த பொது நல மனு:
மதுரை மாவட்டம் மேலுார் பகுதி நெல் கொள்முதல் மையங்களில் கோடவுன் மற்றும் பாதுகாப்பு வசதிகள் செய்யக்கோரி நுகர்பொருள் வாணிப கழகத்திற்கு 2023 ல் மனு அனுப்பினேன். பரிசீலிக்க உத்தரவிட வேண்டும். இவ்வாறு குறிப்பிட்டார். நீதிபதிகள் சி.வி.கார்த்திகேயன், ஆர்.சக்திவேல் அமர்வு பிறப்பித்த உத்தரவு: இம்மையங்கள் திறம்பட செயல்படுவதுடன், நெல்லை சேமிப்பதற்கான வசதிகளை கொண்டிருக்கும் என நம்புகிறோம். அறுவடை காலங்களில், விவசாயிகள் இம்மையங்களை பயன்படுத்திக் கொள்ள வேண்டும். அறுவடை செய்த நெல்லை வேறு இடங்களில் சேமிக்காமல், கொள்முதல் மையங்களிலேயே சேமிக்குமாறு விவசாயிகளை ஊக்குவிக்க வேண்டும் என்றனர்.
