விவசாயி மெய்யழகன் : திருமங்கலம் ராஜபாளையம் தேசிய நெடுஞ்சாலை நான்கு வழி சாலையாக மாற்றப்பட்டு வருகிறது. இதில் ஆலம்பட்டியில் இருபுறமும் சர்வீஸ் ரோடு உள்ளன. வேகத்தடை இல்லை. இதனால் சேடப்பட்டி பிரிவில் விபத்து ஏற்படுகிறது. எனவே வேகத்தடை அமைக்க வேண்டும் என்றார்.

விவசாயி பழனி : செக்கானுாரணி ஆரம்ப சுகாதார நிலையத்தில் சுகர் மாத்திரை, சத்து மாத்திரைகள் இல்லை என்கின்றனர். திருமங்கலம் அரசு மருத்துவமனையை தவிர்த்து சுற்று வட்ட சுகாதார நிலையங்களில் இந்த மாத்திரைகள் போதிய இருப்பு இல்லை. இதனால் பொதுமக்கள் விவசாயிகள் அவதிக்குள்ளாகின்றனர்.

விவசாயி ஜெயக்குமார்: உரப்பனுார் பகுதியில் கஞ்சா விற்பனை நடக்கிறது. போலீசார் சைரனை அலறவிட்டபடி வருவதால் கஞ்சா விற்பவர்கள் தப்பிச் செல்கின்றனர். போலீசார் ரகசிய நடவடிக்கைகள் மூலம் கஞ்சா விற்பனையை கட்டுப்படுத்த வேண்டும் என்றார்.