விவசாயிகள் மகாமுனி, பிச்சை, லட்சுமணன் பேசியதாவது: தென்கால் கண்மாய் கரையில் தார் ரோடு அமைக்கும் பணிக்காக சேதப்படுத்தப்பட்ட இரண்டு மடைகளையும் சீரமைக்க வேண்டும். உள்புறத்தில் கொட்டப்பட்ட மண்ணை அப்புறப்படுத்தி கரையை பலப்படுத்த வேண்டும். கண்மாய் கரையில் அமைக்கப்படும் தார் ரோடு தரமின்றி பயன்பாட்டுக்கு வரும் முன்பே விரிசல் ஏற்பட்டு வருகிறது. செட்டிகுளம் ஊருணியிலுள்ள செடி கொடிகளையும், தேங்கி நிற்கும் கழிவுநீரையும் அகற்ற வேண்டும். கண்மாய்களுக்கு செல்லும் அனைத்து நீர்வழிப் பாதை, கண்மாய் ஆக்கிரமிப்புகளை அகற்ற வேண்டும்.

குறைதீர் கூட்டம் குறித்து விவசாயிகளுக்கு தெரியப்படுத்துவதில்லை. அனைத்து துறை அதிகாரிகளும் முழுமையாக பங்கேற்பதில்லை. விவசாயிகள் தெரிவித்த கோரிக்கைகளுக்கு எந்த நடவடிக்கையும் எடுக்கப்படுவது இல்லை என்றனர்.