சேலம் ராதாகிருஷ்ணன் தாக்கல் செய்த பொதுநல மனு: கோயில்களுக்கு சொந்தமான பல சொத்துக்கள் ஆக்கிரமிப்பில் உள்ளன. அவை நீதிமன்ற உத்தரவுப்படி மீட்கப்பட்டு வருகின்றன. கோயில்களுக்குரிய சொத்துகளை பத்திரப்பதிவு செய்யும் வகையில், தமிழக வருவாய்த்துறை புது அரசாணையை வெளியிட்டுள்ளது. கோயில்களுக்கு சொந்தமான சொத்துக்களை பதிவுத்துறையில் பூஜ்ஜியம் மதிப்பில் பதிவேற்றம் செய்ய மூத்த ஐ.ஏ.எஸ்., அதிகாரிகளை கொண்ட குழு அமைத்து அரசாணை பிறப்பிக்க அத்துறைக்கு அதிகாரம் இல்லை. இது அரசியலமைப்பு சட்டத்திற்கு எதிரானது.

பட்டா நிலம், மானிய நிலம், ஊழியம் நிலம் என்ற வகைப்பாடுகளில் கோயில் நிலம் உள்ளது. புது அரசாணை மூலம் கோயிலுக்கு சொந்தமான சொத்துக்கள் பறிபோகும் நிலை ஏற்பட்டுள்ளது. அரசாணைக்கு இடைக்காலத் தடை விதித்து ரத்து செய்ய வேண்டும். இவ்வாறு குறிப்பிட்டார்.

நீதிபதிகள் அனிதா சுமந்த், சி.குமரப்பன் அமர்வு விசாரித்தது. மனுதாரர் ஆஜரானார்.

அரசு வழக்கறிஞர் சாரங்கன், ''நில நிர்வாக கமிஷனர் பதில் மனு தாக்கல் செய்ய அவகாசம் தேவை,'' என்றார்.

அவகாசம் அளித்த நீதிபதிகள்,'அரசாணைக்கு அக்.,10 ல் பிறப்பித்த இடைக்காலத் தடை மேலும் நீட்டிக்கப்படுகிறது. விசாரணை நவ., 27 க்கு ஒத்திவைக்கப்படுகிறது,' என உத்தரவிட்டனர்.