மதுரை மேற்கு தொகுதி பரவை பேரூராட்சியில் 3 இடங்களில் முதல்வர் ஸ்டாலின் பிறந்த நாளை முன்னிட்டு 3 ஆயிரத்திற்கும் மேற்பட்டவர்களுக்கு அமைச்சர் மூர்த்தி நலத்திட்டம் வழங்கினார்.

விழாவில் அவர் பேசியதாவது: மதுரை மேற்கு தொகுதியில் துரோகிகளால் தோல்வி அடைந்தோம். இனி துரோகம் செய்ய முடியாது. இப்பகுதிக்கு கட்சி பணியாற்ற பொறுப்பேற்று 2 மாதமாகிறது.

மரியாதைக்குரிய அண்ணன் முன்னாள் அமைச்சர் செல்லுார் ராஜு, 'நான் பங்கேற்ற பூமிபூஜை, நலத்திட்ட உதவிகள் குறித்து, இங்கு என்ன செய்தாலும் எதுவும் ஆகாது' என விமர்சித்துள்ளார். அவர் என்னை எவ்வளவு வேண்டுமானாலும் திட்டிக் கொள்ளட்டும்.

ஒரு மாதம் முன் இங்கு அவர் வேட்டி, சேலை, சாப்பாடு வழங்கினார். பத்தாண்டு ஆண்டு அமைச்சராக இருந்துள்ளீர்கள். மக்கள் பணியை நீங்களும் செய்யுங்கள், நாங்களும் செய்கிறோம். என்னை பழைய மூர்த்தியாக நினைக்க வேண்டாம். பழைய மூர்த்தி பதில் சொல்வான். தற்போது என்னிடம் செயல்பாடுதான் உள்ளது. முதல்வர், துணை முதல்வர் வழங்கிய பணியை நுால் மாறாமல் செய்து முடிப்பேன் என்றார்.