மன அழுத்தம், கவலை, தனிமை, படிப்பில் சிரமம், குடிப்பழக்கம், தற்கொலை எண்ணம் உள்ளிட்டவைகளில் இருந்து விடுபட, தினமும் காலை 9:00 முதல் மாலை 6:00 மணி வரை 93754 93754ல் ஆலோசனை வழங்கப்படும். பயிற்சி பெற்ற 63 தன்னார்வலர்கள் ஆலோசனைவழங்கி வருகின்றனர்.

தற்போது புதிதாக தேர்வான 29 தன்னார்வலர்களுக்கு 2 நாள் பயிற்சி நடந்தது. அறக்கட்டளை நிறுவனர் டாக்டர் சி.ராமசுப்பிரமணியன் துவக்கி வைத்து பேசியதாவது: சமூகத்தில் மனநலத்திற்கான தேவைகள் அதிகம் இருப்பினும் ஆலோசகர்களின் எண்ணிக்கை குறைவாக உள்ளது. அத்தகைய தேவைகளை சரியான நேரத்தில் பூர்த்தி செய்யும் தகுதிவாய்ந்த தன்னார்வலர்களை உருவாக்குகிறோம். அவர்கள் மூலம் மனநல ஆலோசனை தேவைப்படுவோருக்கு அதன் தாக்கத்தை குறைக்கும் வகையில் ஆலோசனைகள் வழங்கப்படுகின்றன. 5 ஆண்டுகளில் 6 ஆயிரத்திற்கும் மேற்பட்ட அழைப்புகள் வந்துள்ளன என்றார்.

மனநல ஆலோசகர்கள் ராஜாராம் சுப்பையன், குருபாரதி, திட்ட இயக்குநர் செல்வமணி ஆகியோர் பங்கேற்றனர்.