இப்பகுதியில் ஆண்டுதோறும் ஆடிப்பட்டத்தில் மொச்சை பயிரிடப்படும். கடந்த ஆண்டு விளைச்சல் சரியில்லை.

இந்த ஆண்டும் பருவம் தவறி பனி, மழை, வெயில் என மாறி மாறி வந்து விளைச்சல் தாமதமாவதால் மகசூல் குறையும்.

ஆடியில் விதைத்து 4 மாதத்தில் விளைய வேண்டிய பயிர் இன்னும் விளையாமல் உள்ளது. 100 ஏக்கருக்கு மேல் சாகுபடி செய்யப்பட்டு வந்த மொச்சை தற்போது 50 ஏக்கராக குறைந்துள்ளது.

சின்ன பாலமேடு விவசாயி சுரேந்திரன்: கடந்தாண்டு மகசூல் குறைந்ததால் மொச்சை விலை கூடியது. வீட்டில் இருந்த விதைகளை வைத்து குறைந்தளவு பயிரிட்டுள்ளேன்.

மானாவாரி செடியில் பூக்கள் உதிர்வு, பூச்சி தாக்குதலால் விவசாயிகள் அதிகம் பாதித்துள்ளனர். எனக்கு கிணற்று பாசனம் உள்ளதால் பாதிப்பு குறைவு என்றார்.