இப்பேரூராட்சியில் 15 வார்டுகள் உள்ளன. வீடு வீடாக குப்பையை சேகரிக்க 19 நிரந்தர துப்புரவு பணியாளர்கள், மகளிர் சுய உதவிக்குழு என 60க்கும் மேற்பட்டோர் பணியாற்றுகின்றனர். ஒரு வேன், 3 மினி வேன்கள், 20 பேட்டரி வாகனங்கள் வீடுகளில் குப்பையை சேகரிக்க பயன்படுத்தப்படுகிறது.சில வாரங்களாக துப்புரவு பணியாளர்களுக்கான துடைப்பம், கையுறை உள்ளிட்ட உபகரணங்களின்றி சுகாதார பாதுகாப்பற்ற முறையில் குப்பையை சேகரிக்கும் பணியில் ஈடுபட்டு வருகின்றனர். மதுரை -- திண்டுக்கல் ரோட்டில் குப்பையை துடைப்பம் இன்றி கையில் வைத்துள்ள தகரம், பலகை, சிலேட்களை வைத்து அள்ளுகின்றனர். ஒரு கையில் மட்டுமே பாதுகாப்பு கையுறை அணிந்துள்ளனர். சிலர் அதுவும் அணியாமல் துப்புரவு பணியில் ஈடுபட்டுள்ளனர்.

செயல் அலுவலர் செல்வக்குமார்: துடைப்பம் ஆர்டர் செய்துவிட்டோம். ஒப்பந்ததாரர் தாமதிக்கிறார் என்றார்.