திருப்பரங்குன்றம் மலையில் ஆடு, கோழி பலியிட எதிர்ப்புள்ள நிலையில், மீனாட்சி அம்மன் கோயில் எதிரேயுள்ள மேலகோபுர வீதியில் உள்ள ஒரு கட்டடத்தின் மாடியில் இரு ஆடுகளை பலியிட்டு கறி வெட்டுவதை ஒருவர் வீடியோ எடுத்து பதிவிட்டார்.

இது வைரலானதால் கோயில் புனிதத்தை காக்கும் வகையில் கோபுரம் எதிரே இச்செயலில் ஈடுபட்டவர்கள் மீது நடவடிக்கை எடுக்கும்படி போலீசில் ஹிந்து மக்கள் கட்சி மாவட்ட தலைவர் சோலை கண்ணன் புகார் அளித்தார்.

போலீஸ் விசாரணையில், மேலக்கோபுரவீதியில் உள்ள ஒரு சந்தில், சமயகருப்பன் சங்கிலி கருப்பன் சுவாமியை வைத்து அருள்வாக்கு சொல்லும் நபருக்கு, வேண்டுதல் நிறைவேறியதற்காக பக்தர் ஒருவர் இரு ஆடுகளை தந்தது தெரிந்தது. அதை பலியிட்டு அன்னதானம் வழங்குவதற்காக கறி வெட்டியதாக அந்நபர் தெரிவித்தார்.

அவரிடம் கோயில் பகுதியில் இதுபோன்ற செயல்களில் ஈடுபடக்கூடாது என போலீசார் எச்சரிக்க, தன் செயலுக்கு வருத்தம் தெரிவித்தார்.