ஒன்றியச் செயலாளர் அஜித்பாண்டி தலைமை வகித்தார். உசிலம்பட்டி நகர், எழுமலை பேரூராட்சி, உசிலம்பட்டி, செல்லம்பட்டி, சேடபட்டி ஒன்றியச் செயலாளர்கள் முன்னிலை வகித்தனர்.

அமைச்சர் மூர்த்தி, தெற்கு மாவட்டச் செயலாளர் மணிமாறன் விவசாயிகளுக்கு டிராக்டர், மாற்றுத்திறனாளிகளுக்கு டூவீலர்கள், உசிலம்பட்டி வடக்கு ஒன்றிய கிராம மக்களுக்கு நலத்திட்ட உதவிகளை வழங்கினர்.

அமைச்சர் மூர்த்தி பேசுகையில், ''2026 சட்டசபைத் தேர்தலில் மதுரை மாவட்டத்தின் 10 தொகுதிகளிலும் தி.மு.க., வெற்றி உறுதி. அதில் உசிலம்பட்டி தொகுதி முதன்மையானதாக இருக்கும். முதல்வர் ஸ்டாலின், இங்கு யாரை வேட்பாளராக நிறுத்தினாலும் அவரை வெற்றி பெறச் செய்ய வேண்டும்'' என்றார்.