அவர்கள் கூறியதாவது: தனியார் நிறுவனங்களில் கூடுதல் வட்டிக்கு ஆசைப்படாமல் குறைந்த வட்டிக்கு ஒத்தக்கடை கடன் சங்கத்தில் டெபாசிட் செய்தோம். டெபாசிட் காலம் முடிந்த மறுநாளே முதிர்வுத்தொகையை ஒப்படைக்க வேண்டும். ஏப்ரல் வரையான டெபாசிட் முடிவடையும் காலம் வரை வட்டி எங்களுக்கு கிடைத்தது. அதன் பின் முதிர்வுத்தொகை தராமல் தினமும் சங்கத்திற்கு அலைய விடுகின்றனர். 4 மாதங்களாக வட்டியும் தரவில்லை. தனியார் நிதி நிறுவனங்கள் இதுபோல ஏமாற்றினால் பொருளாதார குற்றப்பிரிவில் புகார் செய்யலாம். அரசு நிறுவனமே ஏமாற்றினால் என்ன செய்வது.

சில டெபாசிட் தாரர்களின் பெயர்களை டெபாசிட் பத்திரத்தில் தவறாக குறிப்பிட்டுள்ளனர். அதை சரிசெய்து தர கோரிக்கை வைத்தும் எந்த நடவடிக்கையும் எடுக்கவில்லை. மதுரை மாவட்ட மத்திய கூட்டுறவு வங்கி நிர்வாக இயக்குநரிடம் முறையிட்டும் இதுவரை தீர்வு கிடைக்கவில்லை. 4 மாதங்களாக அலைய வைத்ததற்கு அதற்கான வட்டியுடன் முதிர்வுத்தொகையை ஒப்படைக்க வேண்டும் என்றனர்.

நிர்வாக இயக்குநர் வாஞ்சிநாதனிடம் கேட்டபோது, ''இதற்கான வேலையில் ஈடுபட்டுள்ளோம். அரசின் உத்தரவுக்காக காத்திருக்கிறோம்'' என்றார்.