மதுரை எய்ம்ஸ் மருத்துவமனைக்கான மாணவர்கள் சேர்க்கை நான்காண்டுகளாக நடத்தப்பட்டு, தற்காலிகமாக ராமநாதபுரம் அரசு மருத்துவக் கல்லுாரியில், 200 மாணவர்கள் படிக்கின்றனர்.

இம்மாணவர்கள் மார்ச் முதல், மதுரை எய்ம்ஸ் வளாகத்தில் தங்கி படிப்பதற்கான ஏற்பாடுகள் செய்யப்பட்டுள்ளன.

பிப்., 28ல் பா.ஜ., தேர்தல் பிரசாரக் கூட்டத்தில் பங்கேற்க மதுரை வரும் பிரதமர் மோடி, தனி நிகழ்ச்சியில் எய்ம்ஸ் மருத்துவமனையை திறந்து வைப்பதற்கான ஏற்பாடுகள் நடைபெற உள்ளன.

அதேபோல, தமிழகத்தில் அம்ரித் பாரத் திட்டத்தின் கீழ், 3,147 கோடி ரூபாயில், 77 ரயில்வே ஸ்டேஷன்கள் சீரமைக்கப்பட்டு வருகின்றன.

இதில், ராமேஸ்வரம் உட்பட, 18 ஸ்டேஷன்களில் பணிகள் முடிந்துள்ளன. இந்த ஸ்டேஷன்களை திறந்து வைத்து, சென்னை - ராமேஸ்வரம் இடையே வந்தே பாரத் ரயில் சேவையையும், பிரதமர் மோடி துவக்கி வைப்பார் என, எதிர்பார்க்கப்படுகிறது.