மயிலாடுதுறை மாவட்டம் குத்தாலம் பகுதியை சேர்ந்தவர் சுரேஷ் மேனன்,27. இவர் கடந்த 2020ம் ஆண்டு ஜன. 28ம் தேதி 9 வயது சிறுமிக்கு பாலியல் தொல்லை கொடுத்துள்ளார்.

சிறுமியின் பெற்றோர் அளித்த புகாரின் பேரில் மயிலாடுதுறை அனைத்து மகளிர் போலீசார் போக்சோ வழக்கு பதிவு செய்து சுரேஷ் மேனனை கைது செய்தனர்.

இந்த வழக்கில் மயிலாடுதுறை மாவட்ட அமர்வு நீதிமன்றத்தில் நேற்று தீர்ப்பளிக்கப்பட்டது. தீர்ப்பில் சுரேஷ் மேனனுக்கு 10 ஆண்டுகள் சிறை தண்டனை, ரூ. 2 ஆயிரம் அபராதம் விதித்து நீதிபதி விஜயகுமாரி உத்தரவிட்டார். அரசு தரப்பில் வக்கீல் ராம சேயோன் ஆஜரானார்.