கடந்த, 30ல் மலையாளப்பட்டியை சேர்ந்த சின்னமுத்து மனைவி சின்னக்காளி, 75, இறந்துவிட்டார். இவரது சடலத்தை வண்டியில் வைத்து உறவினர்கள் தள்ளிச்சென்றனர். சாக்கடை நீர் மற்றும் இரண்டு நாட்களாக பெய்த மழையால், சாலை முழுதும் தேங்கி நின்றது. இதனால், சடலத்தை எடுத்து செல்ல முடியாமல் உறவினர்கள் தவித்தனர். பெரிய சிரமத்திற்கு நடுவே சடலத்தை மயானத்திற்கு கொண்டு சென்றனர்.

இதுகுறித்து, கடந்த, 31ல் நமது நாளிதழில் செய்தி வெளியானது. இந்நிலையில் நேற்று சாலையை சீரமைக்கும் பணி தொடங்கியது. சாக்கடை வரும் வழியை மாற்றிவிட்டனர். மேலும், சாலையில் கிராவல் மண் கொட்டி சமன்படுத்தினர். இதனால் அப்பகுதி மக்கள் மகிழ்ச்சியடைந்தனர்.