நாமக்கல்லில், தேசிய முட்டை ஒருங்கிணைப்புக்குழு கூட்டம், நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 450 காசுக்கு விற்ற முட்டை விலை, 10 காசு குறைத்து, 440 காசாக நிர்ணயம் செய்யப்பட்டது. வடமாநிலங்களில் விலை குறைக்கப்பட்டுள்ளதால், நாமக்கல் மண்டலத்தில், கொள்முதல் விலை சரிந்துள்ளது. இரண்டு நாட்களில், 20 காசு குறைந்துள்ளது, பண்ணையாளர்களை கவலையடைய செய்துள்ளது.

நாட்டின் பிற மண்டல முட்டை விலை (காசுகளில்) நிலவரம்:

சென்னை, 515, ஐதராபாத், 450, விஜயவாடா, 480, பர்வாலா, 492, மும்பை, 510, மைசூரு, 495, பெங்களூரு, 490, கோல்கட்டா, 535, டில்லி, 525 என, நிர்ணயம் செய்யப்பட்டுள்ளது. நாமக்கல்லில், நேற்று நடந்த பண்ணையாளர்கள், வியாபாரிகள் ஒருங்கிணைப்புக்குழு கூட்டத்தில், ஒரு கிலோ, 97 ரூபாய்க்கு விற்ற முட்டைக்கோழி விலையை, எவ்வித மாற்றமும் செய்யாமல், அதே விலை நிர்ணயம் செய்யப்பட்டது.

இதேபோல், பல்லடத்தில் நடந்த உற்பத்தியாளர் ஒருங்கிணைப்புக்குழு கூட்டத்தில், ஒரு கிலோ, 103 ரூபாய்க்கு விற்ற கறிக்கோழி விலையிலும் எவ்வித மாற்றமும் செய்யாமல், அதே விலை நிர்ணயம் செய்யப்பட்டது.