மல்லசமுத்திரம்:மல்லசமுத்திரத்தில் உள்ள, திருச்செங்கோடு வேளாண்மை கூட்டுறவு உற்பத்தியாளர்கள் விற்பனை சங்கத்தில், வாரந்தோறும் புதன்கிழமை பருத்தி ஏலம் நடக்கிறது. நேற்று நடந்த ஏலத்தில், சூரியகவுண்டம்பாளையம், மேல்முகம், கீழ்முகம், மங்களம், பீமரப்பட்டி, காளிப்பட்டி, பள்ளக்குழி உள்ளிட்ட பகுதிகளை சேர்ந்த விவசாயிகள், 60 கிலோ எடை கொண்ட, 700 மூட்டைகளை விற்பனைக்கு கொண்டு வந்திருந்தனர். இதில், பி.டி., ரகம் குவிண்டால், 8,009 ரூபாய் முதல், 8,670 ரூபாய், கொட்டு பருத்தி, 3,220 ரூபாய் முதல், 4,680 ரூபாய் என, மொத்தம், 15.50 லட்சம் ரூபாய்க்கு பருத்தி ஏலம் நடந்தது. அடுத்த ஏலம் வரும், 12ல் நடக்கிறது.